احصل على تحديثات في الوقت الفعلي مباشرة على جهازك ، اشترك الآن.
اسامة غانم
الموت يضرب بقوة فإفران، وهاد المرة السبب كيبان أنه تسرب ديال الغاز بشقة بإحدى الإقامات بحي السلام بافران، اللي كان سبب فوفاة شابين الله يرحمهم.احدهما من فاس والثاني من واد إمليل حسب بعض المصادر ،
واحد مسكين دركي.جاوا كراو شقة ليلة في الويكاند
ساكنة المدينة تفاجأت بخبر كيهرس القلب، والسلطات تحركات بكل تلاوينها: الوقاية المدنية، البوليس، السلطة المحلية، طبيب ااجماعة،
وبعد المعاينة ومباشرة التحقيق تم نقل الجثامين بعد فحصهما من طرف الطبيب الجماعي، كلشي دار خدمتو .
ولكن السؤال اللي المطروح : واش خاصنا كل مرة يموتو ناس باش نتحركو؟ واش الإجراءات الوقائية باقية ماشي فالمستوى؟ واش الناس مابغاتش توعى بخطورة هذه السخانات والمدفآت بالغاز او التدفئة المركزية بالغاز وعدم استبدال بين الفينة والأخرى أجزاءها ودون اتخاذ الاحتياطات وكتشكل خطر على حياة الناس.
وخاص التحسيس والتوعية في صفوف المواطنين من طرف الجمعيات ،
القاتل الصامت باق كيدور وسطنا.. خاص التوعية، خاص المتابعة، وخاص الصرامة مع لي كيستهتر بأرواح الناس.
الله يرحم الضحايا، ويصبر عائلتهم، وإنّا لله وإنّا إليه راجعون.
